RSS

Monthly Archives: ફેબ્રુવારી 2013

થોડામાં ઘણું……સંબંધોના સરવાળા – બાદબાકી.

realations-2

relations

સંબંધો   કાચનાં                                                     સંબંધો સાચના                                                            

        ↓                                                                        ↓   

સાચવવા પડે.                                                       સમજવા પડે.

કાચા,તડ તૂટે.                                                       પાક્કા,કદી ન છૂટે.

રેશમ ની દોરી જેવા.                                               સુતરની આંટી જેવા.

ગાંઠ વળે તેમ ગૂંચવાય.                                      ગૂંચવાય તો તરત ઉકેલાય.

     રંગીન.                                                              સંગીન.

દેખાવમાં રુપાળા.                                              બંધાય તો સુંવાળા.

રંગોળી જેવા,ભૂંસાઈ જાય.                                  અક્ષર જેમ છપાઈ જાય.

ઉપરછલ્લા.                                                             પ્રેમ વલ્લા.

અવિશ્વાસ નો દરિયો.                                              વિશ્વાસ નું વહાણ.

સ્વાર્થ ની રમત.                                                    નિઃસ્વાર્થ મમત.

પાણીમાં લાકડું.                                                      દૂધમાં સાકર.

Advertisements
 

ટૅગ્સ:

बचपन के दिन याद आते है….बहोत इस बुढापेमें.

juni mumbai

ઓસ્ટ્રેલિયાથી પાછી ઈન્ડિયા આવવા નીકળવાની હતી એના બે દિવસ અગાઉ મને મારાં પાંચ-થી કરીને બાર તેર વર્ષના બાળપણના દિવસો આજે ય ૬૦ વર્ષે ય યાદ આવી ગયા.

તે સમયે મારું મોસાળ મુંબઈ,અને અમે અમદાવાદ રહેતા.મારા મામા-મામી એટલાં પ્રેમાળ કે અમને ભાઇ-બહેનોને દર વેકેશનમાં મુંબઈ જ જવાનું મન થાય.અને આખું વેકેશન મુંબઈમાં રહીએ,હરીએ,ફરીએ,ખાઈએ,પીએ,કેરીની મજા માણીએ.મારા મામાના બે દીકરા,અને અમે બધા સરખે સરખા એટલે બહુ જ મજા કરીએ.

અમે જ્યારે અમદાવાદથી મુંબઈ રાત્રે જનતામાં નીકળીએ ત્યારથી એકસાઈટ હોઈએ.અને સામે પક્ષે પણ એમ જ હોય.સવારે પાંચ-સાડાપાંચે સેન્ટ્રલ પહોંચીએ અને મામાનું આખું ઘર અમને સ્ટેશને લેવાં ઉભું જ હોય,અને તેમાં કોણ કોણ આવ્યું છે એ જોવા અમે બારી પર ખેંચાઈને જોતાં હોઈએ.અમે ઉતરીએ ત્યારે બધાં જ ભારે હોંશમાં હોય.

પણ…આખું વેકેશન મજા કરીને જ્યારે અમદાવાદ પાછા જવાનો વખત થાય ત્યારે!

એ જ રીતે આખું ઘર અમને મુકવા આવે,સાથે ખૂબ નાસ્તા ટીમણ હોય,મામા મામીએ ખીસ્સામાં  રૂપિયા આપ્યા હોય, છેલ્લી સલાહ સૂચનાઓ હોય અને…..ગાડી ઉપડે ત્યારે બધાંની આંખો છલકાતી હોય. એવી જ મિલન અને વિદાયની લાગણીઓ આજે ય અનુભવીએ છે એનો અર્થ એ જ કે લાગણીઓ હંમેશા લીલી ને લીલી જ રહે છે.અને વયસ્ક લોકો બાળપણાની આવી  યાદોમાંથી નવો પ્રાણવાયુ મેળવે છે.

 

ટૅગ્સ:

લાંબી મુસાફરી…

saman

થોડો થોડો  બાંધું સામાન, કે હાં રે મારે લાંબી મુસાફરી.

તોલવામાં નાં રાખ્યું ધ્યાન, કે હાંરે મારે લાંબી મુસાફરી.

કેટલો ઉપયોગી, બિન ઉપયોગી કેટલો ?

ભરવામાં રાખ્યું ન ભાન,કે હાંરે મારે લાંબી મુસાફરી….

ઠાંસી ઠાંસીને મેં તો થેલો ભર્યો મારો,

જાણે કે બદલ્યું મકાન! કે હાંરે મારે લાંબી મુસાફરી….

થોડુંક ચાલી ત્યાં  મારો થેલો થયો કાણો,

ટીપે ટીપે ગળતું અભિમાન, કે હાંરે મારે લાંબી મુસાફરી…..

ચતુર સુજાણ એક વાત ગાંઠે બાંધજો,

નકામો ફેંક્જો  સામાન, કે હાંરે મારે લાંબી મુસાફરી…..

 

ટૅગ્સ:

मन की कर के देख लूँ….

rose

बन्धनों से परे हटकर देखलूं ,

खोलके, जी भरके, जी कर देखलूं.

नदी,झरने,फूल और उड़ते  परिंदों

जैसे बन जाऊं,चहेक कर  देखलूं….

कैसे  बहेती है ये नदियाँ पर्बतोंसे ?!

पत्थरोंसे गिरते कूदते देखलूं……

 कैसे उड़ते है  परिंदे आसमां पर,

अपने पर फैलाके, उड़कर देखलूं……

कैसे खिल जाती है कलियाँ हर सवेरे,

कंटकों के बिच खिलकर देखलूं……

 

ટૅગ્સ:

સલાહ વોહી, જો ખુદ અપનાયે……

makes_eat_time

મારા મામા અને મારી ‘મા’ એ બંનેની એક વાત યાદ આવી ગઈ જે તમારા સુધી પહોંચાડવાનું મન થયું.

આજકાલ ખુબ પોપ્યુલર થયેલી  ટી.વી.સીરીયલ “વીરા”મા જે ભાઈ બહેન છે, એવાં જ આ ભાઈ બહેન હતાં.દરેક જગ્યાએ બેન ને સાથે જ રાખે .દરિયામાં બહેનને તરવાનું શીખવે,ભણવામાં સાથે જ રહે.”બહેન ને આમ, ને બહેન ને તેમ’…..આ એક જ લક્ષ્ય ભાઈનું. ખવડાવે પણ તંદુરસ્તી માટે ઉપયોગી ચીજોની સમજ આપતાં આપતાં.હવે બહેન ને ભીંડાનું શાક ન ભાવે,અને ભાઈને પણ ભીંડાનું શાક ન ભાવે.પણ જ્યારે જમવા બેસે ત્યારે બહેન શાક લેવાની ના પાડે અને ભાઈ તેણે ભીંડાનું શાક ખાવું જ જોઈએ અથવા તો જે રાંધ્યું હોય તે ખાવું જ જોઈએ વગેરે વગેરે કહીને પરાણે શાક ખવડાવે.એકવાર બહેને અકળાઈને ભાઈને કહી દીધું કે મને તમે પરાણે ખવડાવો છો અને તમે કેમ થાળીમાં લેતા જ નથી ?!

અને બસ ! ભાઈએ તે જ દિવસથી થોડુક પણ ભીંડાનું શાક લેવાનું શરુ કર્યું.આ આખી વાતનો મર્મ એ જ છે કે,તમારા બાળકોને સારી ટેવો પાડવી હોય તો તમે એ ટેવો અપનાવી છે ? એ ચેક કરો.તમે બાળકને ઓર્ગેનાઇઝ થતાં શીખવો પણ તમે છો ? એ જુઓ.તમે તમારી ચીજ વસ્તુઓ કે કપડાઓ કે પુસ્તકો વ્યવસ્થિત રાખતાં હશો તો  જ બાળક એ સલાહને તરત અપનાવશે નહિતર,એના મનમાં એક કડવાશ એ આવી જશે કે પોતે તો કઈં કરતા નથી પણ મને  કહ્યા જ કરે છે ! આવી લાગણીને કારણે ભલે એ તમારી સામે કદાચ બોલી નહિ શકે,પણ એ સલાહમાં કઈ દમ નહિ રહે.  માટે તમારા બાળકને સારી  ટેવો પડાવવી હોય તો તમારે પણ તમારી જાતને તપાસવી પડશે.માટે જે સલાહ બીજાને આપો તે તમે  પણ અપનાવો.

 

ટૅગ્સ:

થોડામાં ઘણું…માટીના કુંડામાં લીલપ ઉગાડીએ.

buket

કેમ માટીનું જ કૂંડું  આપણે છોડ ઉછેરવા પસંદ કરીએ છીએ ? કેમ કે,માટી ઠંડી છે,અને તેમાં પાણી રેડવાથી તે વધુ ભીની અને પોચી બને છે.તેમ જ

 વચ્ચે  વચ્ચે ખાતર  ઉમેરવાથી  તે વધુ ફળદ્રુપ બને છે અને તેમાં વાવેલાં બીજ અંકુર થઈને લીલોછમ્મ છોડ બને છે.

એમ જ પોતાના બાળકનું પણ છે.એને લીલોછ્મ્મ લહેરાતો છોડ બનાવવા માટે,

-માતા પિતાએ શીતળતા રૂપી કૂંડું,

-સાદગી અને ઉચ્ચ ગુણવત્તાના બીજ,

-પ્રેમ અને માત્ર પ્રેમ તથા વિશ્વાસ નું પાણી,

-થોડોક જ તડકો અને ઘણો છાંયડો દેખાડી,

-આનંદ અને કીલ્લોલના વાતાવરણ રૂપી ખાતર પૂરું પાડી શકો તો,

જોજો એક ચમત્કાર તમારી નરી આંખે, તમારા જ  આંગણામાં !

 તમારા સંસાર ના બગીચાનો છોડ ઉંચે મસ્તક લહેરાશે અને ભવિષ્યમાં બીજાનો પણ છાંયડો બનશે.

પણ એને ઉછેરવો કે કરમાવવો એ બંને તમારા જ હાથમાં છે.

 

ટૅગ્સ:

 
પરમ સમીપે

રચયિતા : નીલમ દોશી.. પરમ સમીપેની આરત સાથે આપણા સૌના જીવનમાં ઝળહળતો ઉજાસ ઉઘડે..એ પ્રાર્થના સાથે..

અલ્પ...લીંબડીવાળા

ઇશ્વર વિશેની વ્યાખ્યાઃ જે વ્યક્તિ પ્રમાણિકતા પુર્વક અને ખંત થી પોતાનુ કામ કરે એ મારો ઇશ્વર

જીવન સંધ્યાનો ઉજાસ

અડધો ગ્લાસ ભરેલો જોવો

વિચારનો પ્રચાર

"મહત્વાકાંક્ષા વિનાનો માણસ મૃત સમાન છે."

મારી બારી

દીપક ધોળકિયા

ગુજરાતી પ્રતિભા પરિચય

ગુજરાતનાં પનોતા સંતાનોનો પરિચય

ચંદ્ર પુકાર

ચંદ્રવદન મિસ્ત્રીનાં હ્રદય ભાવો

પટેલ પરિવાર

બ્રિસ્બેન, ઓસ્ટ્રેલિયાથી પટેલ પરિવારની અલપ ઝલપ

Booksonclick.com

અડધો ગ્લાસ ભરેલો જોવો

Tahuko

excerpts of Dr. Gunvant.B. Shah's essays, articles, books and lectures

arvindadalja.wordpress.com/

My little different Thoughts

ડૉ. સુધીર શાહ Dr. Sudhir Shah

સમય + સમજ + સંજોગ = સંતોષ Time + Understanding + Situation = Satisfaction

planetJV

colorful cosmos of chaos

"મધુવન"

ત્યાં લગી આશ સૃષ્ટિની જ્યાં લગી ઉગતા ફૂલો, જિંદગી જીવવા જેવી જ્યાં લગી કવિના કુળો

પાર્થેનીયમ

મારા શબ્દ..મારી વ્યથા.. મારી કવિતા..

%d bloggers like this: